زانیاری نوێ لەبارەی دۆسیەی کوژرانی مەزن رەشید ئاشکرا دەکرێت

SNN

لەسەر کەیسی کوشتنی مەزن ڕەشید گەنجەکەی بەحرکە، پۆلیسی هەولێر کەسێکی بەناوی مێڤان دەستگیر کردووە و بەڵام بەبێ ئەوەی وێنە و ڤیدیۆی بڵاو بکاتەوە.

مەزن ڕەشید، لە ماڵەکەی خۆی لەلایەن چەند کەسێکەوە سەری بڕدرا و دەستوقاچی ژنەکەشی بەسترایەوە، لەسەر ئەو کەیسە پۆلیسی هەولێر کەسێکی بە تۆمەتی کوشتنی گەنجەکە دەستگیرکردووە بەڵام ئەو کەسە دانی بە تاوانەکەدا نەناوە.

سەرچاوەیەکی تایبەت بە SNNی ڕاگەیاند، کە مێڤان تۆمەتباری کەیسەکەی گەنجە سەربڕاوەکەی بەحرکە، ئەشکەنجەیەکی زۆر دراوە بەڵام دانی بە تاوانەکەی دا نەناناوە. هەر بۆیە پۆلیسی هەولێر نایەوێت وێنە و ڤیدیۆی تۆمەتبار بڵاو بکاتەوە، تەنیا وەکو زانیاری بە تێکست لە بارەی دەستگیر کردنیەوە ڕاگەیانراوێکی بڵاو کردەوە.

ئەمە لە کاتێک دایە کە پێشتر رۆژنامەنووسان لە کاتی دەستگیرکردنی تۆمەتباران ئاگەدار دەکرانەوە و پۆلیسی هەولێر وێنە و ڤیدیۆی بڵاودەکردەوە، بەڵام لەم کەیسەدا تاوەکو ئێستا وێنە و ڤیدیۆی تۆمەتبار بڵاو نەکراوەتەوە.

ئەو سەرچاوەیە باسی لەوەشکرد: کە هاوسەری مەزن ڕەشید، ئەو گەنجەی سەری بڕدراوە لەسەر کەیسی مێردەکەی لەلایەن پۆلیسی هەولێرەوە دەستگیر کراوە.