پەرلەمانی عێراق کۆدەبێتەوە و پرسیار ئاڕاستەی دوو وەزیریش دەکات

SNN-

سبه‌ینێ‌ شه‌ممه‌ ئه‌نجومه‌نی نوێنه‌رانی عێراق بۆ دەنگدان لەسەر پرۆژە یاسایەک کۆدەبێتەوە و پرسیاری زاره‌كیش ئاڕاسته‌ی وەزیرانی ناوخۆ و دارایی دەکات.

به‌گوێره‌ی‌ نووسراوێكی‌ ئه‌نجومه‌نی نوێنه‌رانی عێراق، كاتژمێر 1:00ی‌ دوانیوەڕۆی سبه‌ینێ‌ شه‌ممه‌ 12ی‌ ئابی‌ 2023 ئه‌نجومه‌نه‌كه‌ كۆده‌بێته‌وه‌.

به‌پێی‌ كارنامه‌ی كۆبوونه‌وه‌كه‌، له‌ بڕگه‌ی یه‌كه‌مدا ده‌نگ له‌سه‌ر پڕۆژه‌یاسای به‌كرێدانی زه‌وی كشوكاڵی ده‌درێت، له‌ بڕگه‌ی دووه‌م و سێیه‌م پرسیاری زاره‌كی ئاڕاسته‌ی وه‌زیرانی ناوخۆ و دارایی ده‌كرێت.

بە پێی بەرنامەی کۆبوونەوەکە لە بڕگه‌ی كۆتایی كۆبوونه‌وه‌كه‌دا راپۆرتی لیژنه‌كانی‌ دارایی، ته‌ندروستی و ژینگه‌، له‌باره‌ی پڕۆژه‌یاسای ھه‌مواری 21ی یاسای میلاكی‌ ژماره‌ 25ی‌ ساڵی‌ 1960 ده‌خوێنرێته‌وه‌.