هەواڵ
ده‌رماڵه‌یه‌ك له‌مامۆستایان ده‌بڕێت
له‌كاتی پشووی هاویندا ده‌رماڵه‌ی هاتوچۆ له‌وه‌زاره‌تی په‌روه‌رده‌ ده‌بڕدرێت، لێپرسراوی ژمێریاری موچه‌ له‌به‌ڕێوه‌به‌رایه‌تی په‌روه‌رده‌ی رۆژهه‌ڵاتی سلێمانیش رایده‌گه‌یه‌نێت: ئه‌و ده‌رماڵه‌یه‌ له‌گه‌ڵ موچه‌ی مانگی (7)دا ده‌بڕێت و پاسه‌وان و باخه‌وانی خوێندنگه‌كان ناگرێته‌وه‌.

ئامانج سلێمان، لێپرسراوی ژمێریاری موچه‌ له‌به‌ڕێوه‌به‌رایه‌تی په‌روه‌رده‌ی رۆژهه‌ڵاتی سلێمانی، به‌ SNNی راگه‌یاند: ده‌رماڵه‌ی هاتوچۆی مامۆستایان له‌رۆژی 1ی 7ی 2019ه‌وه‌ تاوه‌كو ده‌ستبه‌كاربوونه‌وه‌ی مامۆستا بۆ ساڵی نوێی خوێندن، ده‌بڕدرێت.

وتیشی: "ئه‌و ده‌رماڵه‌یه‌ مانگی داهاتوو نابڕدرێت، چونكه‌ مانگی داهاتوو موچه‌ی مانگی (4) وه‌رده‌گیرێت، به‌ڵكو له‌موچه‌ی مانگی (7)دا ده‌بڕدرێت".

راشیگه‌یاند: بڕینی ئه‌و ده‌رماڵه‌یه‌، پاسه‌وان و باخه‌وانی خوێندنگه‌كان ناگرێته‌وه‌، چونكه‌ ئه‌و دوو چینه‌ له‌كاتی پشووی هاویندا ده‌وام ده‌كه‌ن.


SNN:

شاهۆ خواره‌حم

 هەفتە پێشتر - Jun 13 2019 12:37PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.