هەواڵ
لیستێكی نوێی موچە ئامادە دەکرێت
مامەڵەی بەشێك لەخانەنشینانی ئەمساڵ دەگەڕێتەوەو بەڕێوەبەری خانەنشینی شارستانی سلێمانیش رایدەگەیەنێت: ئەو خانەنشنیانەی مامەڵەكانیان گەڕاوەتەوە، لیستی موچەیان بۆ دەبەسترێت، بەڵام لەو مانگەدا موچە وەردەگرن كە تێیدا خانەنشین بوون.

ئاراس غەریب بەڕێوەبەری خانەنشینی شارستانی سلێمانی بە SNNی راگەیاند: چەند بەشێك لەمامەڵەی ئەو فەرمانبەرانەی لەمانگی 7ی ئەمساڵ خانەنشین بوون، گەڕاوەتەوە، بەڵام مەرج نییە هەموو ئەو ناوانەی بەیەكەوە رەوانەی هەولێر كراون، بەیەكەوە مامەڵەكانیان بگەڕێتەوە.

وتیشی: "ئەوانەی ناویان گەڕاوەتەوە لیستی موچەیان بۆ دەبەسترێت، بەڵام لە چ مانگێكدا خانەنشین بوون لەو مانگەدا موچەی خانەنشینی وەردەگرن، ئەوانەی ئەمساڵ چەند موچەیەكی فەرمانبەرییان لەلای حكومەت ماوە، دەبێت ئەو موچانە وەربگرن".

راشیگەیاند: ئێستا خانەنشینان موچەی مانگی شەشیان وەرگرتووەو ئەم مانگە موچەی مانگی (7) وەردەگرن، ئەوانەشی تازە خانەنشین دەبن، هیچ كێشەیەك لەموچەكانیان نابێت و لەو مانگەی تێیدا خانەنشین بوون، موچەكەیان وەردەگرن.


لەكاتی قەیرانی دارایی، خانەنشینان پاشەكەوتی لەموچەكانیان نەكرا، بەڵام بە (45 بۆ 60) رۆژ جارێك موچەیان وەردەگرت، بەهۆی ئەوەشەوە دابەشكردنی موچەی خانەنشینی یەك دواكەوتووەو ئێٍستا موچەی ساڵی 2018 دابەشدەكرێت، ئەوانەشی تازە خانەنشین دەبن، بەلیستی جیا موچەیان بۆ دەبەسترێت.


SNN:

شاهۆ خوارەحم

 6 ڕۆژ پێشتر - Aug 14 2019 3:25PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.