هاكان فیدان سهردانى بهغدا دهكات
هاكان فیدان، وهزیرى دهرهوهى توركیا | فۆتۆ: AFP
SNN
مانگى داهاتوو وهزیرى دهرهوهى توركیا به سهردانێكى فهرمى دهگاته بهغداى پایتهختى عێراق و ئهندامێكى ئهنجوومهنى نوێنهرانى عێراقیش دهڵێت: “مهلهفى ئاو یهكێكه له تهوهره سهرهكییهكانى سهردانهكهى هاكان فیدان”.
ئهمڕۆ یهكشهممه 13ى ئاب، ڕهفیق ساڵحى، ئهندامى لیژنهى كشتوكاڵ و سهرچاوهكانى ئاو به میدیاكانى عێراقى راگهیاند، “مانگى داهاتوو هاكان فیدان، وهزیرى دهرهوهى توركیا به سهردانێكى فهرمى دهگاته بهغداى پایتهختى عێراق. سهردانهكه وهك پێشهكیهكه بۆ سهردانهكهى ڕهجهب تهیب ئهردۆغان، سهرۆككۆمارى توركیا بۆ بهغدا، بهمهبهستى ئیشكردن لهسهر ئهو بابهتانهى كه ئهردۆغان له سهردانهكهیدا قسهیان لهسهر دهكات”.
ئهو ئهندامهى لیژنهى كشتوكاڵ و سهرچاوهكانى ئاوى پهرلهمانى عێراق له قسهكانیدا تهوهرهیهكى سهرهكى سهردانهكهى هاكان فیدانى ئاشكرا كردووه و وتویهتى: “باسكردن له كێشهى ئاو، بهردانهوهى ئاو بۆ بهنداوهكان و ئهو قهیرانه ئاو و وشكهساڵیهى كه رووى له عێراق كردووه یهكێكه له تهوهره سهرهكیهكان”.
به وتهى ڕهفیق ساڵحى، “لیژنهكانى پهرلهمان به هاوشان لهگهڵ حكومهتى عێراق بهردهوامن له فشارخستنهسهر حكومهتى توركیا بهمهبهستى چارهسهركردنى كێشهى ئاو و پێدانى پشكى عێراق له ئاو بهشێوهیهكى یهكسان”.
رۆژى 26ى حوزهیران، وتهبێژى حكومهتى توركیا رایگهیاند، “ڕهجهب تهیب ئهردۆغان، سهرۆككۆمارى توركیا به سهردانێكى چاوهڕواننهكراو دهگاته عێراق”، بهڵام تاوهكو ئێستا زیاتر له دوو مانگ تێپهڕیوه ئهو سهردانه ئهنجام نهدراوه.
