نێچیرڤان بارزانی: مووچەى فەرمانبەران شایەنى گفتوگۆ نییە

سەرۆکی هەرێمی کوردستان رایگەیاند، مووچەى فەرمانبەران شایەنى گفتوگۆ نییە و هەرێمى کوردستان بەوپەڕى شەفافیەتەوە لەگەڵ بەغداد مامەڵەى کردوە و هیچ داتایەکیش نییە کە لە هەرێمى کوردستانەوە بە هەڵە رەوانەى بەغداد کرابێت.

نێچیرڤان بارزانى، سەرۆکى هەرێمى کوردستان لە کۆنگرەیەکى رۆژنامەوانیدا سەبارەت بە بابەتی مووچەی فەرمانبەرانی هەرێمی کوردستان رایگەیاند،مووچە مافی خەڵکی هەرێمی کوردستانە و دەبێت حکومەتی فیدراڵ بەزووترین کات چارەسەری بکات و بەمنزیکانەش سەرۆکی حکومەت و جێگرەکەی و وەزیری دارایی سەردانی بەغدا دەکەن و هیودارین کێشەکان لەگەڵ بەغدا چارەسەر بکەن

ئاماژەى بۆ ئەوەکرد کە هەرێمى کوردستان بەوپەڕى شەفافیەتەوە لەگەڵ بەغداد مامەڵەى کردوە و هیچ داتایەکیش نییە کە لە هەرێمى کوردستانەوە بە هەڵە رەوانەى بەغداد کرابێت و پرسى مووچەى فەرمانبەران شایەنى گفتوگۆ نییە.