ئەمڕۆ هەڵەبجە دەبێتە 19 یەمین پارێزگای عێراق

SNN-

پەرلەمانی عێراق لە کۆبوونەوەی ئەمڕۆی خۆیدا دەنگ لەسەر بە پارێزگابوونی هەڵەبجە دەدات  و دەبێتە 19-یەمین پارێزگای عێراق.

بڕیارە ئەمڕۆ پێنجشەممە، ئەنجومەنی نوێنەرانی عێراق کۆبێتەوە و یەکێك لە خاڵەکانی کارنامەکەشی دەنگدان دەبێت لەسەر پرۆژەیاسای بە پارێزگاکردنی هەڵەبجە.

بەپارێزگابوونی هەڵەبجە ماوەی 10 ساڵ زیاترە لە هەرێمی کوردستا کاری بۆ دەکرێت، بە پەسەندکردنیشی دەبێتە 19-یەمین پارێزگای عێراق و ژمارەی دانێشتوانەکەشی، زیاتر لە 135 هەزار کەسە و لە قەزایەک و چوار ناحیە پێکهاتووە کە ئەوانیش قەزای ناوەندی هەڵەبجە و ناحیەکانی خورماڵ، بیارە، بەمۆ و سیروانن.

ڕۆژی 13ی ئاداری ڕابردوو ئەنجومەنی وەزیرانی عێراق پرۆژە یاسای بە پارێزگابوونی هەڵەبجەی پەسەند کرد و ڕەوانەی ئەنجومەنی نوێنەرانی کرد.