هاوپەیمانی نەسر ڕاگەیەندراوێک لەبارەی هێرشەکەی فرۆکەخانەی عەربەت بڵاودەکاتەوە
هاوپەیمانی نەسڕ
SNN
لهڕاگهیهنراوێكدا هاوپهیمانی نهسر ئیدانهی دهستدرێژی توركیاى كردووه بۆسهر فڕۆكهخانهی عهربهت لهشاری سلێمانی كه بوه هۆی شههیدبونو برینداربونی 6 ئهندامی دهزگای دژهتیرۆر.
هاوپهیمانیهكهى عهبادى دهڵێت، “توركیا بهردهوامه لهكاره دوژمنكارییهكانی بهرامبهر عێراق لهژێر پاساوی جیاجیادا، بهڵام كاردانهوهی جددی نهبوه بهرامبهر دوژمنكارییهكانی و پێشێلكردنی سهروهری عێراق، بهردهوامبونی بێدهنگی بهرامبهر ئهوكارانه عهیبهیهو نهرمی نواندن بهرامبهر دوژمنكارییه بهردهوامهكانی توركیاش خیانهته”.
لهبهشێكى دیكهى ڕاگهیهنراوهكهیدا هاوپهیمانی نهسر نوسیویهتى، “توركیا عێراقی داگیركردوهو دهیان بنكهی سهربازیی لهقوڵایی خاكی عێراقدا ههیه، سهرهڕای پێشێلكردنی سهروهریی و دهستوهردان لهكاروباری ناوخۆیی عێراق كه تائێستا بێدهنگی لێكراوه، ئهمهش كێشهیهكى گهورهیهى نیشتمانییه”.
سهبارهت بهكاردانهوهكانیش بهرامبهر توركیا هاوپهیمانى نهسر ئاشكرایكردوه، “عێراق چهندین بژاردهی بۆ مامهڵهكردنی توند لهگهڵ توركیا ههیهو پێویسته یاسای یارییهكه لهگهڵ توركیا لهڕوی ئهمنیو سیاسیو ئابورییهوه بگۆڕین، گهر نیشتمان بههاو سهروهری پیرۆزی ههبێت، لهم ساته مێژوییهشدا ئهمهش تاقیكردنهوهیهكی جددییه بۆ هێزه بهرپرسیارهكان لهدهوڵهت”.
