ئەنجومەنی نوێنەرانی عێراق پڕۆژەی یاسای بە پارێزگابوونی ھەڵەبجە دەخاتە دەنگدانەوە

SNN

بریارە سبەینێ رۆژی شەممە 30ی ئەیلول، ئەنجومەنی نوێنەرانی عێراق کۆببێتەوە، لە کۆبوونەوەکەدا پرۆژەی یاسای بە پارێزگابوونی ھەڵەبجە بخرێتە دەنگدانەوە.

بەپێی کارنامەی کۆبوونەوەکەی ئەنجوومەنی نوێنەرانی عێراق، خوێندنەوە بۆ چەند پڕۆژەیەک دەکات و دەیانخاتە دەنگدانەوە، لەوانەش دەنگدان لەسەر پڕۆژە یاسای بە پارێزگابوونی ھەڵەبجە، ئەمە لە کاتێکدایە چەند جارێک ئەنجوومەنی نوێنەرانی عێراق دەنگدان لەسەر پرۆژە یاسای بەپارێزگابوونی هەڵەبجەی دواخستووە.

لە 13ی ئازاری 2023، محەمەد شیاع سودانی، سەرۆک وەزیرانی عێراق ڕەشنووسی یاسای بە پارێزگابوونی ھەڵەبجەی پەسەندکرد و رەوانەی ئەنجومەنی نوێنەرانی کرد بە مەبەستی دەنگدان لە سەری.