کەشناسی: سبەینێ باران دەبارێت

SNN-

کەشناسی هەرێمی کوردستان بڵاویکردووەتەوە، رۆژی سێشەممە باران دەبارێت بە تایبەت لە ناوچە شاخاوییەکان و پلکەکانی گەرماش بە نزیکەى (3-5) پلەى سیلیزى نزم دەبێتەوە.

بەڕێوەبەرایەتییەکە لە راگەیەندراوێکدا بڵاویکردووەتەوە، ڕۆژى سێشەممە، باران دەبارێت و کاریگەرى نزمە پاڵەپەستۆى دەریاى سوور درێژدەبێتەوە بۆ سەر ناوچەکەمان باران لەسەر ناوچە شاخاوییەکان بەتایبەت ناوچە شاخاوییەکانى پارێزگاى دهۆک و ناوچە شاخاوییەکانى پاڕێزگاى هەولێر زیاتر دەبێت.

هەروەها، پێشبینى نمە باران لەسەر سەنتەرى پاڕێزگاکان لە هەندێ کاتدا بە شێوەى نمە باران دەبێت و پلەکانى گەرما بە نزیکەى (3-5) پلەى سیلیزى نزم دەبێتەوە، کاریگەرى ئەم نزمە پاڵە پەستۆیە لە هەمان ڕۆژدا لە شەودا کۆتایی دێت.