بانكى ناوه‌ندى عێراق هۆشدارى ده‌داته‌ بانكه‌كانى عێراق

SNN
پارێزگارى بانكى ناوه‌ندى عێراق هۆشدارى ده‌داته‌ ئه‌و بانكانه‌ى كه‌ دینار ده‌ده‌نه‌ ئه‌و هاووڵاتیانه‌ى له‌ هه‌ژماره‌كه‌یاندا دۆلار هه‌یه‌ و ده‌ڵێت: “پێویسته‌ ئه‌و دراوه‌ى له‌ هه‌ژماره‌كه‌دا هه‌یه‌ هه‌مان ئه‌و دراوه‌ بدرێته‌وه‌ به‌ خاوه‌ن هه‌ژماره‌كه‌ و هه‌ركه‌س به‌ پێچه‌وانه‌وه‌ى ئه‌وه‌وه‌ كار بكات سزا ده‌درێت”.

له‌ نووسراوێكدا كه‌ له‌ به‌روارى 5ى تشرینى یه‌كه‌مى 2023 ده‌رچووه‌ و واژووى عه‌لى عه‌لاق، پارێزگارى بانكى ناوه‌ندى عێراقى له‌سه‌ره‌، “سكاڵایه‌كى زۆر به‌ بانكى ناوه‌ندى گه‌یشتووه‌ته‌ له‌لایه‌ن ئه‌و كه‌سانه‌ى كه‌ هه‌ژماره‌كانیان دۆلارى تێدایه‌ و بانكه‌كان له‌برى دۆلار دیناریان پێده‌ده‌ن. به‌ پشتبه‌ستن به‌ دوو رێنمایی كه‌ ساڵه‌كانى 2020 و 2023 ده‌رچووه‌ پێویسته‌ بانكه‌كان ئه‌و دراوه‌ بده‌نه‌وه‌ به‌ خاوه‌ن هه‌ژماره‌كان كه‌ له‌ هه‌ژماره‌كه‌دایه‌”.

پارێزگارى بانكى ناوه‌ندى عێراق هۆشداریده‌داته‌ بانكه‌كان ئه‌گه‌ر پابه‌ند نه‌بن به‌و بڕیاره‌وه‌ و له‌برى دۆلار دینار بده‌نه‌ هاووڵاتییان تووشى سزا ده‌بن.

ده‌قى نووسراوه‌كه‌ى بانكى ناوه‌ندى عێراق