نرخی نەوت بەڕێژەیەکی بەرچاو بەرزبووە

SNN-

ئەمڕۆ هەینی، نرخی‌ یه‌ك به‌رمیل نه‌وتی خاوی برێنت بەراورد بە دوێنێ زیاتر لە دوو دۆلار بەرزبووەتەوە و گەیشتە 93 دۆلار و 36 سه‌نت، له‌كاتێكدا دوێنێ به‌ 91 دۆلار و شه‌ش سه‌نت مامەڵەی پێوەکراوە.

هەروەها نرخی یەک بەرمیل نەوتی خاوی ئەمریکی (تێکساس) بۆ 90 دۆلار و 50 سەنت بەرزبووەوە  و بەراورد بە دوێنێ پێنجشەممە نرخەکەی زیاتر لە دوو دۆلار بەرزبووەتەوە.

گرژییەکانی نێوان فەڵەستین و ئیسرائیل نرخی نەوتی بەرزکردەوە و پێشبینی بەرزبوونەوەی زیاتریش دەکرێت.