لە بارەی ناجێگری بەهای دینارەوە لیژنەی دارایی عێراق داوای کۆبوونەوەی کردووە

SNN

ئەندامێکی لیژنەی دارایی ئەنجوومەنی نوێنەرانی عێراق رایگەیاندووە، لیژنەی دارای عێراق داوای لە کوتلە سیاسییەکان کردووە کۆبوونەوەیەکی بەپەلە سەبارەت بە ناجێگری بەهای دینار بەرمابەر بە دۆلار ئەنجام بدەن.

ئەمڕۆ چوارشەممە 8ی تشرینی دووەم، جەمال کۆچەر، ئەندامی لیژنەی دارای ئەنجوومەنی نوێنەرانی عێراق بە رۆژنامەی سەباحی راگەیاندووە، ھۆکاری ناجێگیری بەھای دینار بەرامبەر دۆلار زۆرە، دەڵێت “چارەسەرەکانی بانکی ناوەندی ھاوکار نەبوون بۆ سەقامگیرکردنی بازاڕی دراو و ھەنگاوی لاوەکی بوون و نرخی دینار بە جێگریی نەماوەتەوە”.

ئامائەی بەوەکردووە، داواکراوە بودجە خەرجبکرێت و ئاسانکاری بۆ وەبەرھێنەران بکرێت و رێکارە حکومییەکان بۆ دەستگەیشتن بە دۆلار ئاسان بکرێت.

ئەو ئەندامەی لیژنەی دارایی ئاشکرایکردووە، داواکراوە سەرکردەی کوتلە سیاسییەکان کۆبوونەوەیەکی بەپەلە ئەنجام بدەن، بۆ تاوتوێکردنی مەترسییەکانی جێبەجێنەکردنی سیستمی سویفت و کاریگەرییەکانی لەسەر بواری سیاسی و ئەمنی و ئابوری و کۆمەڵایەتی.