حکومەتی هەرێم پرسی دەستپێکردنەوەی نەوتی هەرێم تاوتوێ دەکات

SNN-

ئەنجومەنی وەزیرانی هەرێمی کوردستان کۆدەبێتەوە و پرسی دەستپێکردنەوەی ھەناردەکردنی نەوتی ھەرێمی کوردستان تاوتوێ دەکات.

فەرمانگەی میدیاو زانیاری حکومەتی هەرێمی کوردستان بڵاویکردووەتەوە کە ئەمڕۆ چوارشەممە 15ـی تشرینی دووەمی 2023، ئەنجومەنی وەزیرانی ھەرێمی کوردستان،بە سەرپەرشتی مەسرور بارزانی، سەرۆکی ئەنجومەنی وەزیران و ئامادەبوونی قوباد تاڵەبانی، جێگری سەرۆکی ئەنجومەنی وەزیران کۆدەبێتەوە.

هەروەها لە بڕگەی یەکەمی کۆبوونەوەکەدا گفتوگۆکانی نێوان حکومەتی ھەرێم و حکومەتی فیدڕاڵیی سەبارەت بە پرسی دەستپێکردنەوەی ھەناردەکردنی نەوتی ھەرێمی کوردستان دەخرێتەڕوو.

بڕگەی دووەمی کۆبوونەوەکە تایبەت دەبێت بە داھاتی گەڕاوەی ناوخۆی ھەندێک لە وەزارەتەکان و سیستەمی ژمێریاریی پەیڕەوکراو بۆ فەرمانگەکان.