راگەیەندراوێک لە وەزارەتی داراییەوە لەبارەی مووچەی فەرمانبەران 

SNN

وەزارەتی دارایی و ئابووری هەرێمی کوردستان لەبارەی مووچەی فەرمانبەرانەوە راگەیەندراوێک بڵاو دەکاتەوە و تێێدا ئاماژە بەوە دەکات: لەگەڵ ئەوەی ڕۆژی دووشەممەی داهاتوو ٢٠٢٣/١٢/١٨ لەلایەن ئەنجومەنی وەزیرانی هەرێمی کوردستانەوە کراوە بەپشووی فەرمی، بەڵام دەوامی سەرجەم ئەو بانکانە ئاسایی دەبێت کە ئەرکی دابەشکردنی مووچەیان لە ئەستۆیەو خشتەی دابەشکردنی مووچە بە پێی ئەو ڕیزبەندییەی ڕاگەیەنراوە وەک خۆی بەردەوام دەبێت.  بەڕێوبەرایەتی گشتی بانکە بازرگانیەکان.         

رۆژی سێشەممەی رابردوو، وەزارەتی دارایی ئابووری هەرێم، خشتەی دابەشکردنی مووچەی مانگی 9ی فەرمانبەرانی بڵاوکردەوەو تێیدا دابەشکردنی مووچە لە رۆژی دوێنێ چوارشەممەوە دەستی پێکرد و رۆژی 21ی 12 کۆتایی بە دابەشکردنی مووچەی مانگی 9 دەهێندرێت.