ئەمریکا رەزامەندی دا لەسەر ناردنی دۆلاری کاش بۆ عێراق

SNN-

بانكی ناوەندی عێراق رایگەیاند، لەگەڵ شاندێكی ئەمەریكا رێككەوتون كە لە ساڵی نوێیوە ئەمەریكا دۆلاری كاش بنێرێت بۆ عێراق.

بانکی ناوەندیی عێراق لە راگەیەنراوێکدا بڵاویکردوەتەوە، کۆبوونەوەی بانکی ناوەندیی عێراق و شاندی یەدەگی فیدراڵی و وەزارەتی گەنجینەی ئەمریکا لە دوبەی کۆتایی هات.
روونکردنەوەی حکومەتی کاربەڕێکەر لەسەر کاتژمێرەکانی پێدانی کارەبا

لە راگەیەندراوەکەدا هاتووە، نوێنەری یەدەگی فیدراڵی و گەنجینەی ئەمریکا ئەو هەوڵانەی بانکی ناوەندی عێراقیان بەرز نرخاند لە ماوەی ساڵی 2023دا بۆ گەیشتن بە پابەندبوون بە سیستەمی بانکی داویەتی.

راشیگەیاندووە، وەزارەتی گەنجینەی ئەمریکا و یەدەگی فیدڕاڵی ئەمریکا رەزامەندییان دەربڕیووە لەسەر جێبەجێکردنی داواکارییەکانی بانکی ناوەندی عێراق بۆ ناردنی پارەی کاش بۆ ساڵی 2024.

لە راگەیەندراوەکەدا هاتووە، بانکی ناوەندی عێراق سوورە لەسەر پاڵپشتیکردنی بانکە عێراقییەکان و بەرزکردنەوەی تواناکانیان و ئامادەکردنیان بۆ کارکردن بەگوێرەی پراکتیکە نێودەوڵەتییەکان.