لە عێراق بانگەشەی هەڵبژاردن بۆ ئەنجوومەنی پارێزگاکان کۆتایی هات
SNN
کاتژمێر شەشی بەیانی ئەمڕۆ، ھەڵمەتی بانگەشە بۆ ھەڵبژاردنی ئەنجومەنی پارێزگاکانی عێراق کۆتاییھات و سبەینێ یەک شەممە دەنگدانی تایبەت دەستپێدەکات.
ئەمڕۆ هەینی، کۆمیسیۆنی باڵای سەربەخۆی ھەڵبژاردنەکانی عێراق رایگەیاند، لە کاتژمێر شەشی بەیانی ئەمڕۆوە هەینی بانگەشە بۆ ھەڵبژاردنی ئەنجومەنی پارێزگاکان کۆتایی ھاتووە و ھەر کاندیدێک یاخو لایەنێک لە بانگەشە بەردەوام بێت، روبەڕووی سزا و رێکاری یاسایی دەبێتەوە.
لەدوای 24 کاتژمێر لە کۆتایی هاتنی بانگەشەی هەڵبژاردن، رۆژی دواتر کە دەکاتە شەممە 16ی کانوونی یەکەم لە کاتژمێر حەوتی بەیانییەوە تا شەشی ئێوارە دەنگدانی تایبەت بۆ ئاوارە و ھێزە ئەمنییەکان دەستپێبکات.
ئۆفیسی سلێمانی کۆمیسیۆنی باڵای ھەڵبژاردنەکانی عێراق ئاشکرایکردووە، رۆژی شەممە نزیکەی 27 ھەزار ئاوارە و ھێزی تایبەت لە سنوری سلێمانی دەنگدەدەن و تەواوی ئامادەکارییەکانیان کردووە، وتیشی 20 بنکەیان لە سلێمانی و چەمچەماڵ و گەرمیان ئامادەکردووە.
