61 کۆچبەر لە نزیک کەناراوەکانی لیبیا خنکان

SNN-

رێکخراوی کۆچی نێودەوڵەتی رایگەیاند، بەلەمێکی کۆچبەران کە 86 کۆچبەی تێدا بووە لە نزیک کەناراوەکانی لیبیا ژێرئاوکەوت و 61 کۆچبەر خنکاون و تەنها 25 کەس رزگارکراون.

رێکخراوی کۆچی نێودەوڵەتی بڵاویکردووەتەوە، ئەو کۆچبەرانە لە باکوری رۆژئاوای لیبیاوە بەرەوە ئیتالیا رێککەوتبوو بەڵام لە کەناراوەکانی لیبیا بەلەمەکەیان ژێرئاوکەتووە لە کۆی 86 کەسی ناو بەلەمەکە تەنها 25 کەس رزگارکراون

رێکخراوەکە دەشڵێت:” زۆربەی کۆچبەرەکان منداڵ و ژن بوون و زۆربەشیان کۆچبەری ئەفریقی بوون”.

ئەمە لە کاتێکدایە کە پێشتر پاسەوانی نیشتمانی تونس ڕایگەیاندبوو، لەمساڵدا نزیکەی 70 هەزار کۆچبەریان دەستگیرکردووە، کە هەوڵیانداوە لە دەریای ناوەڕاستەوە بەرەو ئیتاڵیا بپەڕنەوە ئەم ژمارەیەش ژمارەیەنا دوو هێندەی کۆچبەری ساڵانی رابردوو دەبێت.