داهاتی یەک هەفتەی سلێمانی زیاتر لە 13 ملیار دینار بووە
SNN
داهاتی یەك هەفتەی سلێمانی لە رۆژی 16-12-2023 تا 22-12-2023، بڕی 13 ملیار و 64 ملیۆن و 896 هەزار و 256 دینار بووە.
سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی راگەیاندووە، بەشێوەیەك، بڕی 13 ملیار و 64 ملیۆن و 869 هەزار و 256 دینار بووە.
روونیشکراوەتەوە لەو بڕە، 10 ملیار و 946 ملیۆن و 312 هەزار و 816 دیناری واتە 84% نەختینەیە و هەروەها 1 ملیار و 548 ملیۆن و 998 هەزار و 240 دینار، واتە 12% بەشێوەی چەكە.
هەروەها زیاتر لە 569 ملیۆن دیناریش بە شێوەی مقاصە بووە، کە دەکاتە 4٪ی داهاتەکە.
رۆژی 15-12-2022 حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پڕۆژەی شەفافییەت لە داهات و خەرجی.
ئێستا رۆژانە هاووڵاتیان دەتوانن سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانن.
