فەرماندەیەکی سەربازی سەر بەتورکیا لەلیبیا کوژرا

SNN-

سوپای نیشتمانیی لیبیا رایگەیاند “ئەمڕۆ شەممە 30 ئایار لەڕوبەڕووبوونەوەیەکدا فەرماندەی میلیشیاکانی سوڵتان موراد کە سورییە و سەر بە تورکیایە، لەباشووری تەرابلوس کوژراوە”.

لەبەیاننامەیەکی تۆڕی میدیای سەربازیی هاتووە “موراد ئەبو حەمود ئەلعەزیزی لەکاتی پەلامارێکدا بۆ سەر بنکەیەکی سەربازی باشووری فڕۆکەخانەی تەرابلوس کوژراوە کە سەر بەئۆپۆزسیۆنی سوریایە و لایەنگری تورکیان”.

سوڵتان موراد پێشتر سەرکردەی بەرەی نوسرە بووە لەسوریا و بەیعەتی بە رێکخراوی قاعیدە دابوو، پاشان لەداگیرکردنی عەفرینی رۆژئاوای کوردستاندا تاوان و کواشتاری زۆری ئەنجامداوە و دەستی بەخوێنی هاوڵاتی کورد لەو پارچەیەی کوردستان سوورە.