ئەمریکا لە عێراق سیستمی بەرگری ئاسمانی خستە کار
SNN
بەگوێرەی میدیاکانی عێراق ئەمڕۆ باڵیۆزخانەی ئەمریکا لە بەغدا، سیستمی بەرگریی ئاسمانی بۆ مووشەک و درۆن خستەکار.
سەرلەبەیانیی ئەمڕۆ هەینی 23ی شوبات، باڵیۆزخانەی ئەمریکا لە عێراق سیستمی بەرگریی ئاسمانی سیڕامی خستەکار، ئەمەش بۆ پاراستنی سنووری باڵیۆزخانە ناوچەی سەوز و فڕۆکەخانەی بەغدا دەبێت.
هاوکات، میدیاکانی عێراق بڵاویانکردەوە، ئەمڕۆ سیستمەکە تاقیکراوەتەوە، بڕیارە کاتژمێر 9 جارێکی دیکە تاقیبکرێتەوە، هەر لەبەرئەوە داوا لە دانیشتووانی ناوچەی کەڕادە کراوە لە پەنجەرەکانیان دووربکەونەوە.
سیستمی دژە مووشەکی سیڕام، بۆ وەڵامدانەوەی ئەو هێرشانەیە کە دەکرێنە سەر باڵیۆزخانەی ئەمریکا، سیستمەکە لە کۆنسوڵخانەی ئەمریکا لە هەولێر هەیە و چەندین هێرشی گرووپە چەکدارەکانیان لەو رێگەیەوە تێکشکاندووە.
