کەشناسی هەرێم کەشى پێشبینیکراوى 48 کاتژمێرى داهاتووی بڵاوکردەوە

SNN
کەشناسی کەشی پێشبینیکراوی ئەمڕۆی بڵاوکردەوە و رایگەیاند، ئاسمان ساماڵ دەبێت و پلەکانی گەرما نزیکدەبێتەوە لە تۆمارکراوەکانی دوێنێ دووشەممە.

ئەمڕۆ سێشەممە 12ی ئازار، بەشی پێشبینی بەرێوەبەرایەتى گشتى کەشناسی و بوومەلەرزەزانى لەبارەی کەشوهەوای ئەمڕۆوە سێشەممە رایگەیاند، ئاسمان ساماڵ دەبێت لەگەڵ پەیدابوونی هەندێک پەڵە هەور بە تایبەتی لە ناوچە شاخاویەکان، پلەکانی گەرماش نزیک دەبێتەوە لە تۆمارکراوی دوێنێ .
سەبارەت بە کەشی چوارشەممە، بەگوێرەی کەشناسی، ئاسمان لە نێوان ساماڵ و پەڵە هەور دەبێـت لە کاتەکانی ئێوارەدا دەگۆڕێت بۆ نیمچە هەور، لە هەندێک ناوچە بۆ هەوری تەواو، پلەکانی گەرماش بەرز دەبێتەوە بە (1-2) پلەی سیلیزی بە بەراورد بە تۆمارکراوی ئەمرۆ.
بەرزترین پلەکانی گەرمای پێشبینیکراو بە پلەی سیلیزی :
هەولێر : 20
سلێمانی : 19
دهۆک : 19
کەرکوک : 22
هەڵەبجە : 21
زاخۆ : 20
سۆران : 18
حاجی ئۆمەران : 10
گەرمیان : 23