ناسنامەی هاووڵاتییە کوژراوەکەی ناوچەی جەباری ئاشکرابوو

SNN-عیماد جەباری

لەنزیک تەکێی جەباری لەلایەن ژمارەیەک چەکدارەوە دەستڕێژی گولە لە هاووڵاتیەک کرا و بەهۆیەوە گیانیلەدەستدا.

بەپێی ئەو زانیاریانەی لەدەزگا ئەمنییەکانەوە دەستی snn کەوتوە، رووداوەکە کاتژمێر 4ی بەرەبەیانی ئەمڕۆ روویداوە کاتێک نزیک گوندی قۆچەلی سەر رێگەی چەمچەماڵ – قادرکەرەم دەسترێژی گولە لە ئۆتۆمبێڵێک کراوەو شۆفێرەکەی کوژراوە.

ئەوەشیان خستەڕوو کە کوژراوەکە ناوی (سیروان غەفور هەڕێنەیی)یە و خەڵکی چەمچەماڵە، بەڵام هێشتا هۆکارو ناسنامەی بکوژەکان نەزانراوە.

هەر بەپێی ئەو زانیاریانە، ئەنجامدەرانی تاوانەکە لەرێگەی دوو ئۆتۆمبێڵەوە بەرەو شوێنێکی نادیار هەڵاتون.