لە راپەڕین 5 کەسی دیکە تووشی ڤایرۆسی کۆڕۆنا بوون
SNN-محەمەد مستەفا
ئەمڕۆ پێنج شەممە 4ی حوزەیرانی 2020 ، لە سنوری قەزای رانیە 5 هاوڵاتی توشی ڤایرۆسی کۆڕۆنا بوون، دوو لە تووشبووەکانیش کارمەندی تەندروستین .
تەها محەمەد بەرپرسی تەندروستی راپەڕین بە SNN ی راگەیاند : لە بەردەوامی پشکنینەکان و گەڕان بەدوای گومانلێکراوان و تووشبووانی ڤایرۆسی کۆڕۆنا ، دوای راگەیاندنی ئەنجامی پشکنینەکان 5 تووشبووی تر لە قەزای رانیە و ناحیەی چوارقوڕنە تۆمار کراون .
وتیشی ” دوو لە توشبوەکان ئافرەتن و یەکێکیان تەمەنی 70 ساڵە و دانیشتوی ناحیەی چوارقوڕنەیە و ئافرەتەکەی تر تەمەنی 47 ساڵە و دانیشتوی ڕانیە یە، هاوکات دوو منداڵی تەمەن 11 ساڵ و 5 ساڵ توشی ڤایرۆسەکە بوون”.
باسی لەوەشکرد : ئەو دوو منداڵە دانیشتوی رانیەن و منداڵی ئەو دایک و باوکەن کە دوێنێ چار شەممە توشبوونیان بە ڤایرۆسەکە راگەیەنرا لە گەڕەکی نەورۆزی قەزاکە .
تەها محەمەد ئاماژەی بۆ ئەوەشکرد: هاوکات پیاوێکی تر لە رانیە توشی ڤایرۆسی کۆڕنا بووە کە تەمەنی 37 ساڵە و دوو لە توشبووانەی کە ئەمڕۆ تۆمار کراون کارمەندی تەندروستی نەخۆشخانەکانی رانیەن.
