کاریگەری کۆرۆنا لەسەر ژینگە دەردەکەوێت
چین
SNN
ئەمڕۆ بە بۆنەی رۆژی جیهانی ژینەوە، نەتەوەیەکگرتووەکان راپۆرتێکی بڵاوکردووەتەوە و رایگەیاندووە، بڵاوبوونەوەی کۆرۆنا و داخستنی کارگەکان بۆ چەندین مانگ کاریگەری لەسەر پاکبوونەوەی هەوا هەبووە.
پرۆگرامی ژینگەیی نەتەوەیەکگرتووەکان لەو بارەیەوە رایگەیاندووە، رێژەی کاربۆن لە هەوادا لە یەکەم مانگی ئەمساڵدا بۆ 17% دابەزیووە.
ئەوەشی خستووەتەڕوو، زۆرێک لە وڵاتانی گەشەسەندوو بەتایبەت وڵاتانی ئەوروپا لە چەند مانگی یەکەمی ئەمساڵدا هەوا تیایاندا پاکتر بووەتەوە و ئەو جیاوازیەش بەڕوونی لە ئاسمانی وڵاتەکەدا بینراوە.
باسیش لەوەدەکات، لەگەڵ ئاسایی بوونەوەی ژیان لە چین و چەندین وڵاتی ئەوروپی ئاستی گازە ژەهرینەکان لە هەوادا گەیشتووەتە هەمان ئاستی پێش بڵاوبوونەوەی کۆرۆنا.
ئینگەر ئاندەرسن بەڕێوەبەری جێبەجێکاری پرۆگرامی ژینگەیی نەتەوەیەکگرتووەکان وتوویەتی: “قەدەەی هاتووچۆ و زیندانی کردنی مرۆڤایەتی و داخستنی قوتابخانەکان چارەسەرێکی گونجاو نیە لەپێناو پاراستنی ژینگەدا و دەبێت وڵاتان بیری جددی لە پاراستنی ژینگە بکەنەوە”.
