وەزارەتی دارایی: باسمان لە کەمکردنەوەی مووچەی فەرمانبەران نەکردووە
دراوى 25 ههزار دینارى عێراق
SNN
وەزارەتی دارایی هەرێم، دەنگۆیەک لەبارەی باسکردن لە کەمکردنەوەی مووچەی فەرمانبەران لە دوایین کۆبوونەوەیاندا رەتدەکاتەوە و ئەو هەواڵانە بە “چەواشەکاری” وەسفدەکات.
ئەمڕۆ شەممە، وەزارەتی دارایی و ئابوری هەرێم لە راگەیەندراوێکدا کە لە ماڵپەڕی فەرمی وەزارەتەکە بڵاوکراوەتەوە، ئاماژەی بەوەکردووە، “گوایە لە کۆبوونەوەی ٣ی حوزەیراندا، بابەتێکی کۆبوونەوەکە کەمکردنەوەی موچەی فەرمانبەرانی هەرێم بووە. ئەمە چەواشەکاریە و دوورە لە راستییەوە، بۆ هەموو لایەکی رووندەکەینەوە لە کارنامەی کۆبوونەوەکە بابەتی کەمکردنەوەی موچەی تێدا نەبووە.”
وەزارەتی دارایی رایگەیاندووە، “سەرباری خراپی دۆخی دەروونی و تەندروستی و دارایی و ئابوری، هەندێك کەس و پەیج و سایت و لایەن، یاری و موزایەدە بە هەست و سۆزی ھاوڵاتیانی ھەرێمی کوردستان بەگشتی و فەرمانبەران و موچەخۆران بەتایبەتی دەکەن.”
تاوەكو ئێستا وەزارەتی دارایی هەرێم بەرچاوی روون نیە كەی دەستدەكات بە دابەشكردنی مووچەی مانگی شوبات و بەرپرسێكی وەزارەتی داراییش کە نەیویستووە ناوی ئاشکرابکرێت پێشتر بە SNNی وتووە: “ترسمان هەیە بەو پارەیەی لەبەر دەستمانە مووچە دابەشبكەین و دواتر رووبەڕووی كێشە ببینەوە”.
