لەبەر مامۆستایەکی تووشبوو بە کۆرۆنا، دوو مزگەوت داخران

SNN- سیروان حەسەن

لەبەر تووشبوونی مامۆستایەک بەڤایرۆسی کۆرۆنا دوو مزگەوت داخران و لایەنی پەیوەنداریش دەڵێن ئەگەر نوێژ خوێنان پابەند نەبن مزگەوتی دیکەش دادەخەین.

سەباح محەمەد بەڕێوەبەری گشتی ئەوقافی گەرمیان بە snnی راگەیاند: لەبەرئەوەی مامۆستایەک لە شاری کەلار تووشی ڤایرۆسی کۆرونابووە و هاتووچۆی مزگەوتی کردووە دوو مزگەوتیان داخستووە.

وتیشی “ئەو دوو مزگەوتەش شێخ ئیبراهیم لە گەڕەکی بنگردو عەبدولقادر گەیلانییە لە گەڕەکی فەرمانبەران”.

سەباح محەمەد راشیگەیاند: ئەگەر نووێژخوێنان پابەندنەبن ناچار دەبن مزگەوتی دیکەش دابخەن.