کەشناسی: شەپۆلێکی بارانبارین و هەورەبروسکە هەرێمی کوردستان دەگرێتەوە

SNN-

بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان هۆشداری دەدات لەبارەی گۆڕانی کەشوهەوا و دەستپێکردنی شەپۆلێکی بارانبارین لە زۆربەی ناوچەکان.

وردەکاریی کەشوهەوا
ئەمڕۆ هەینی 15-5-2026، ئاسمانی هەرێمی کوردستان لە نیمچە هەورەوە دەگۆڕێت بۆ هەوری تەواو. بەگوێرەی پێشبینییەکان، لە بەیانییەوە نمەباران لە ناوچە شاخاوییەکانی دهۆک و زاخۆ دەستپێدەکات و لە دوای نیوەڕۆوە کاریگەریی شەپۆلەکە زیاد دەکات و زۆربەی شار و شارۆچکەکانی هەرێم دەگرێتەوە.

هۆشداری لە هەورەبروسکە و خۆڵبارین
کەشناسی پێشبینی دەکات بارانبارینەکە لە هەندێک کاتدا بەشێوەی تاوەبارانی بەهێز و هەورەبروسکە بێت. هاوکات هۆشداری داوە کە لە هەندێک ناوچە، بەتایبەت لە سنووری هەولێر، دەشتاییەکانی باشووری هەرێم، گەرمیان و کەرکووک، ئەگەری بەرزبوونەوەی تۆز و خۆڵبارین هەیە.

پلەکانی گەرما بۆ ئەمڕۆ هەینی:
بەراورد بە دوێنێ، پلەکانی گەرما جێگیر دەبن و بەم شێوەیەی خوارەوە دەبن:

هەولێر: 31 پلە

سلێمانی: 28 پلە

دهۆک: 28 پلە

کەرکووک: 34 پلە

هەڵەبجە: 30 پلە

زاخۆ: 30 پلە

سۆران: 26 پلە

گەرمیان: 37 پلە

پیرمام: 27 پلە

حاجی ئۆمەران: 16 پلە