مووچەی مامۆستایانی گرێبەست دابەش دەکرێت

SNN

نوێنەری گشتیی مامۆستایانی گرێبەست رایگەیاند، مووچەی مانگی نیسانی ساڵی 2026ـی مامۆستایانی گرێبەست لە وەزارەتی پەروەردە و وەزارەتی خوێندنی باڵا دابەش دەکرێت.

ئەمڕۆ شەممە، کۆتایی بە دابەشکردنی مووچەی مانگی نیسان دێت و ئەو وەزارەت و شوێنانەی ماون مووچەکانیان وەردەگرن.

بەگوێرەی خشتەی مووچە کە لەلایەن وەزارەتی داراییەوە بڵاوکراوەتەوە، ئەمڕۆ شەممە، هەریەکە لە وەزارەتی پێشمەرگە (دیوان و لیواکان)، دەڤەری 1 و دەڤەری 2، پۆلیسی دامودەزگا نەوتییەکان و دەزگای ئاسایش و ئەنجومەنی ئاسایش مووچەی مانگی نیسان وەردەگرن وەردەگرن.

ئەمە لەکاتێکدایە، ڕۆژی چوارشەممە، 14ـی ئایار، دابەشکردنی مووچەی مانگی نیسان دەستیپێکرد و لەماوەی چوار ڕۆژدا کۆتاییهات.

هاوکات عەلی رەئووف، نوێنەری گشتیی مامۆستایانی گرێبەست ئاشکرای کرد کە سەرجەم رێکارەکان بۆ خەرجکردنی شایستەی دارایی مامۆستایانی گرێبەست تەواو کراون و سبەینێ یەکشەممە 17ی ئایار، پڕۆسەی دابەشکردنی مووچەی مانگی نیسان دەستپێدەکات.