یەکەم بارانبارینی ئەمساڵ و نزمبوونەوەیەکی بەرچاو لە پلەکانی گەرما لە ڕێگادایە

SNN-

شارەزایەکی کەشناسی وادەی یەکەم شەپۆلی بارانبارین و گۆڕانکاریی توندی کەشوهەوای بۆ ئەمساڵ ئاشکرا کرد و ڕایگەیاند کە شەپۆلێکی بەهێزی باران و تەرزە ناوچەکانی باکووری کوردستان دەگرێتەوە و کاریگەرییەکانیشی دەگاتە هەرێمی کوردستان.

ئاراس جەبار، شارەزای کەشناسی رایگەیاند: لە ڕۆژانی شەممە و یەکشەممەدا، ئاسمانی هەرێم دەگۆڕێت بۆ نیمچە هەور و لە هەندێک کات و شوێندا هەورەبروسکە چالاک دەبێت لەگەڵ بارینی بارانی کەم بۆ مامناوەند.

دەشڵێت: سەرەتا پلەکانی گەرما بە ڕێژەی 2 بۆ 3 پلە نزم دەبنەوە، و لە ڕۆژانی دواتریشدا بە کاریگەریی بارستە هەوا فێنکەکە، پلەکانی گەرما 4 تا 6 پلەی دیکەش ڕوو لە نزمبوونەوە دەکەن.