ڕۆیتەرز: ئارامکۆ داوا لە فەرمانبەرانی دەکات لە ماڵەوە کار بکەن

SNN-

کۆمپانیای ئارامکۆی سعودیە بارەگای سەرەکی خۆی لە شارۆچکەی زەهران چۆڵ کرد و رێنمایی بە فەرمانبەرانی دا کە ئەمڕۆ چوارشەممە لە ماڵەوە درێژە بە کارەکانیان بدەن، ئەمەش دوای بیستنی دەنگی تەقینەوەی بەهێز لە نزیک بارەگاکە.

فەرمانی چۆڵکردنی دەرچووە
ئاژانسی هەواڵی ڕۆیتەرز لە زاری چوار سەرچاوەوەرایگەیاند، کە فەرمانی چۆڵکردنی بینای بارەگای سەرەکی کۆمپانیای ئارامکۆی سعودیە لە شاری زەهران دەرچووە، ئاماژەی بەوەشکردووە، کە ڕێنمایی بە فەرمانبەرانی کۆمپانیای ئارامکۆ دراوە ئەمڕۆ چوارشەممە لە ماڵەوە کار بکەن.

دەنگی تەقینەوەی بەهێز بیسترا
ئێوارەی دوێنێ ئاژانسی ڕۆیتەرز لە زاری چەندین سەرچاوەوە بڵاویکردەوە، دەنگی تەقینەوەی بەهێز لە دەوروبەری ئەو دامەزراوە هەستیارەی زەهران بیستراوە، ئەمەش وای لە ئیدارەی کۆمپانیاکە کردووە بڕیاری چۆڵکردنی بەپەلە بدات و دەوامی مەیدانی بگۆڕێت بۆ کارکردن لە دوورەوە بە مەبەستی پاراستنی گیانی کارمەندەکانی.