سه‌رۆككۆمارى عێراق پێشوازى له بافڵ تاڵه‌بانى كرد
كۆبوونه‌وه‌ى سه‌رۆككۆمارى عێراق و بافڵ تاڵەبانی، هاوسەرۆکى یەکێتیی نیشتمانییی کوردستان | فۆتۆ: SNN
كه‌مێك له‌مه‌وبه‌ر نوسينگه‌ى راگه‌یاندنى سه‌رۆككۆمارى عێراق له به‌یاننامه‌یه‌كدا رایگه‌یاند: سەرۆککۆماری عێراق پێشوازی لە بافڵ تاڵه‌بانى، هاوسەرۆكى یەکێتیی نیشتمانیی کوردستان كرد.
له به‌یاننامه‌یه‌كدا كه كه‌مێك له‌مه‌وبه‌ر بڵاوكراوه‌ته‌وه نوسينگه‌ى راگه‌یاندنى سه‌رۆككۆمارى عێراق ئاشكرایكردووه، “بەرهەم ساڵح، سەرۆککۆماری عێراق پێشوازی لە بافڵ تاڵەبانی هاوسەرۆکى یەکێتیی نیشتمانیی کوردستان لە بەغدا کرد”.
له به‌یاننامه‌كه‌دا له‌باره‌ى ناوه‌ڕۆكى كۆبوونه‌وه‌كه‌وه ئه‌وه‌شخراوه‌ته‌ڕوو، “کۆبوونەوەکە لەسەر دۆخی سیاسی و ئەمنی عێراق و بڵاوبوونەوەی ڤایرۆسی کۆرۆنا و کاریگەرییەکانی لەسەر ئابووری عێراق بووه، هەروەها باس لە چارەسەرکردنی دۆسییەکانی نێوان عێراق و هەرێم کرا، ئه‌مه سه‌ره‌ڕاى باسكردن له بوونی هاوکاری ئەمنی لەنێوان هەرێم و بەغدا بۆ رووبەڕووبوونەوەی داعش لە عێراق دا”.
