ئەو کەسەی تەقەی لە لقی چواری پارتی کرد دەستگیرکرا
SNN
وتەبێژی پۆلیسی سلێمانی رایگەیاند: ئەو کەسەی تەقەی لە لقی چواری پارتی دیموکراتی کوردستان کرد لە سلێمانی، دەستگیرکرا.
نەقیب سەرکەوت ئەحمەد بە SNNی راگەیاند: ئەو کەسەی تەقەی لە لقی چواری پارتی کردووە دەستگیرکراوە و دەستبەسەر ئوتومبیلەکەشیدا گیراوە.
کاتژمێر 12ی شەوی 20ی مانگ، چەند چەکدارێک لەناو ئوتومبێلێکدا تەقەیان لە بارەگای لقی چواری پارتی کرد لەشاری سلێمانی و پاشان لەلایەن پاسەوانەکانی لقی چوارەوە بەگولە وەڵامی تەقەکەرەکان دراوەتەوە.
بە گوێرەی بەرپرسانی پارتیش تەقەکان هیچ زیانێکی گیانی بەدواوە نەبوو.
