پێنج کەسی دیکە لە سلێمانی بە کۆرۆنا گیانیان لەدەستدا

SNN-هەوراز ئەحمەد

لە شەوی رابردووەوە پێنج کەسی دیکە لە نەخۆشخانەکانی کۆرۆنا لە سلێمانی گیانیان لەدەستداوە.

بە گوێرەی زانیارییەکانی SNN کە لە عەبدوڵا ئەحمەد، جێگری بەڕێوەبەری تەندروستی سلێمانی وەریگرتووە: “تووشبووەکان چوار پیاو و ژنێکن و سەرجەمیان لە نەخۆشخانەکانی تایبەت بە کۆرۆنا لە سلێمانی گیانیان لەدەستداوە”.

وتیشی: “تووشبووەکان تەمەنیان لە نێوان 55 بۆ 80 ساڵدا بووە، سێ کەسیان دانیشتووی ناو شاری سلێمانی بوون و ئەوانی دیکەش دانیشتووی قەزا و ناحیەکانی دەوروبەرین”.

ئەمە لەکاتێکدایە دوێنێ 14 کەس لە سنووری پارێزگای سلێمانی بە کۆرۆنا گیانیان لەدەستدابوو.