تەندروستی جیهانی: دوای هاوین شەپۆلێکی توندتری کۆرۆنا دەردەکەوێت

SNN–

ئەمینداری گشتیی رێکخراوی تەندروستیی جیهانی هۆشداریی دەدات لەوەی شەپۆلێکی توندتری کۆرۆنا دوای وەرزی هاوین هێرش بکاتەوە سەر مرۆڤایەتیی کە وەک ئەنفلەوەنزای ئیسپانی وایە.

رانیێری گوێرا کە پزیشکێکی ئیتالی-شە دەڵێت: “بەهەمان ئەو شێوەیەی پێشبینیمان کرد، کۆرۆنا خۆی پێشدەخات و وا لەخۆی دەکات ببێتە هاوشێوەی ئەنفلەوەنزای ئیسپانی”.

دەشڵێت: ” ئەنفلەوەنزای ئیسپانی-ش کاتی خۆی لەهاویندا دیار نەما، بەڵام دواتر و لەمانگی 9 و 10 دا بەتوندتر گەڕایەوە و زیاتر لە 50 ملیۆن کەسی کوشت”.

تائێستا لەجیهان زیاتر لە 9 ملیۆن و 717 هەزار کەس تووشی کۆرۆنا بوون و 5 ملیۆن و 251 هەزار کەس چاکبوونەتەوە و 492 هەزار کەسیشی کووشتووە.