ئەفسەرێکی باڵای عێراقی بەتۆمەتی دەستدرێژی بۆ سەر کچێک دەستگیرکرا

SNN-

دەسەڵاتدارانی ئەمنی عێراق ئەمڕۆ شەممە 27ی حوزەیران رایانگەیاند “ئەفسەرێکی پلەباڵایان دەستگیرکردووە بەتۆمەتی دەستدرێژیکردنە سەر کچێک لەپارێزگای سەڵاحەدین”.

وەزارەتی ناوخۆی عێراق لەبەیاننامەیەکدا ئاماژەی بەوەداوە، عەقید تەها شەهاب ئەسوەدی ئامر فەوجی 6ی پۆلیسی سەڵاحەدین-یان دەستگیرکردووە بەتۆمەتی دەستدرێژیکردنە سەر کچێک لەناو ماڵی تاوانلێکراوەکەدا.

هاوکات سەعد مەعن وتەبێژی وەزارەتی ناوخۆ وتی: “ئەو ئەفسەرە بەپێی مادەی 393 لەیاسای سزادانی عێراقی بەند کراوە و هیچ نیازێکیشیان نییە لەمکاتەدا ئازادی بکەن”.

تۆڕە کۆمەڵایەتییەکان تاوانەکەی ئەو ئەفسەرەیان باسکرووە بەوەی چۆتە سەر ماڵی ئەو کچە و بەزۆر ویستوێتی دەستدرێژی بکاتە سەری، بەڵام کچەکە وتوێتی دەستگیراندارم، پاشان خوشکەکەی کە لەخۆی بچووکترە، راپێچ کردووە بۆ ژوورێک و دەستدرێژی کردۆتە سەر ئەویان لەبری خوشکە دەستگیراندارەکەی.

عەقید تەها شەهاب ئەسوەدی ئامر فەوجی 6ی پۆلیسی سەڵاحەدین