کەرکوک 5 رۆژ قەدەغەی هاتوچۆی راگەیاند

SNN-عیماد جەباری

شانەی قەیرانەکان لەکەرکوک لەکۆبونەوەی ئەمڕۆیدا بڕیاریدا بۆ ماوەی پێنج رۆژ قەدەغەی هاتوچۆی تەواوی پەیڕەوبکات کە لەرۆژی سێشەممە دەستپێدەکات.

دلێر سەمەد ئەندامی شانەی قەیران بۆ روبەڕوبونەوەی کۆرۆنا لەکەرکوک بە snnی راگەیاند: سبەی دووشەممە قەدەغەی رێژەیی پەیڕەودەکرێت کە لە کاتژمؽر 5ی بەرەبەیان تاوەکو 8ی شەو قەدەغەی هاتوچۆ هەڵدەگیرێت.

وتیشی، “لەرۆژی سێشەممەوە 30ی حوزەیران تاوەکو رۆژی یەکشەممەی داهاتوو قەدەغەی هاتوچۆی تەواوەتی دەچێتە بواری جێبەجێکردنەوە”.

لەسەرەتای سەرهەڵدانی کۆرۆناوە هەزارو 120 تووشبووی کۆرۆنا تۆمارکراون، لەو ژمارەیەش 708 تووشبوو هێشتا ڤایرۆسەکە لەلەشیاندا چالاکە و 362 کەسیش چاکبوونەتەوە، لەو ژمارەیەش 50 تووشبوو گیانیانلەدەستداوە.