قۆناغی پێش کۆتایی جامی یەکێتی ئینگلتەرا رووبەڕووبوونەوەی بەهێزی بەخۆیەوە بینی

SNN Sport

ئەمڕۆ کۆتایی بە سەرجەم یارییەکانی چارەکی کۆتایی جامی یەکێتی ئینگلتەرا هات و ناسنامەی چوار یانەکەی قۆناغی پێش کۆتایی جامەکە ئاشکرا بوو.

ئێوارەی ئەمڕۆ یانەی ئارسناڵ رووبەڕووی یانەی شیفڵد یونایتد بووەوەو توانی یاریەکە 2-1 لێ بباتەوەو بۆ قۆناغی پێش کۆتایی سەرکەوت.

هەردو گۆڵی ئارسناڵ یاریزانان”پیپی و سیبایۆس تۆماریان کرد.

ئارسناڵ لە قۆناغی پێش کۆتایی رووبەڕووی یانەی مانچستەرسیتی دەبێتەوە، کە ئەمەی دوایی توانی 2-0 لە یانەی نیوکاسڵ بباتەوە.

هەردو گۆڵەکە یاریزانان”دی برۆین و ستەرلینگ تۆماریان کرد.

لە دووەم یاری قۆناغی پێش کۆتایی، یانەکانی چێڵسی و مانچستەریونایتد رووبەڕووی یەکدەبنەوە، کە یانەی چێڵسی ئێوارەی ئەمڕۆ توانی بە تەنیا گۆڵێکی بارکلی لە یانەی لیستەرسیتی بباتەوە.

رۆژی شەممەش یانەی مانچستەریونایتد توانی 2-1 لە یانەی نۆریچ سیتی بباتەوە، کە هەردو گۆڵەکە ئیگالۆ و ماگوایەر تۆماریان کرد.

یارییەکانی قۆناغی پێش کۆتایی لە 18و 19ی مانگی تەمووزی داهاتوو بەڕێوە دەچێت.

ئارسناڵ- مانچستەرسیتی

چێڵسی- مانچستەریونایتد