ڤایرۆسێکی نوێ لە چین بڵاوبووەتەوە
(FILES) This file photo taken on February 23, 2017 shows a worker inside the P4 laboratory in Wuhan, capital of China's Hubei province. - The P4 epidemiological laboratory was built in co-operation with French bio-industrial firm Institut Merieux and the Chinese Academy of Sciences. The facility is among a handful of labs around the world cleared to handle Class 4 pathogens (P4) - dangerous viruses that pose a high risk of person-to-person transmission. (Photo by JOHANNES EISELE / AFP)
SNN
بە گوێرەی میدیاکانی رۆژئاوا، لە چین ڤایرۆسێکی نوێ لە ئاژەڵەوە بۆ مرۆڤ گواستراوەتەوە کە مەترسی دەکرێت ببێتە پەتا.
ماڵپەڕی بی بی سی بەریتانی ئاشکرایکردووە، ڤایرۆسەکە لەناو بەرازدا بڵاوبووەتەوە، ئەگەرچی تا ئێستا ژمارەیەک حاڵەتی کەمی تووشبوونی مرۆڤ بەو ڤایرۆسە تۆمارکراوە، بەڵام زانایان هۆشدارییانداوە لەوەی ئەگەر گۆڕانکاری بەسەر پێکهاتەی ڤایرۆسەکەدا بێت ئەوا پێدەچێت لە قۆناغەکانی داهاتوودا ڤایرۆسەکە بە ئاسانی لە نێوان مرۆڤێکەوە بۆ مرۆڤێکی تر بگوازرێتەوە.
بی بی سی ئەوەشی خستەڕوو، ئەگەرچی ئێستا گرفتێکی ئەوتۆی دروست نەکردووە بەڵام زانایان بە وردی چاودێری بڵاوبوونەوەی ئەو ڤایرۆسە دەکەن و رێنمایی تەندروستیشیان داوەتە خاوەن و کرێکارانی کێڵگەکانی بەخێوکردنی ئاژەڵی بەراز تا رێگری لە دروستبوونی پەتایەکی هاوشێوەی کۆرۆنا بکەن.
ئەو زانایانەی بۆ بی بی سی دواون، باسیان لەوەشکردووە، ئەو کەسانەی تووشی ڤایرۆسەکە بوون لە کێڵگەکانی بەخێوکردنی ئاژەڵ و پەلەوەر لە چین کاریان کردووە و چەند نیشانەیەکیان تیادا دەرکەوتووە.
پسپۆڕانی تەندروستی چینیش پێکوتەی ئەنفلنزایان دژ بە ڤایرۆسەکە لەسەر مرۆڤ تاقیکردووەتەوە بەڵام دەرکەوتووە هیچ کاریگەرییەکی لەسەر ئەو ڤایرۆسە نوێیە نەبووە.
ڤایرۆسەکە ناوە زانستییەکەی بریتییە لە (G4 EA H1N1)، لە رووی پێکهاتەکەی نزیکە لە ئەنفلۆنزای باڵندە کە ساڵی 2009 لە چین بڵاوبووەوە بەڵام چەند گۆڕانکارییەکی کەم لە نێوانیاندا هەیە.
