ئۆتۆمبێلێك كهوته ناو ئاوى رووبارى سیروان و منداڵێك خنكا
وتەبێژی پۆلیسی هەڵەبجە، فۆتۆ-عەلی حەمە سەعید
SNN – عەلی حەمە سەعید
وتەبێژی پۆلیسی پارێزگای هەڵەبجە ئاشكرایكرد: پێشنیوەڕۆی ئەمڕۆ خێزانێكی دانیشتووی پارێزگای هەڵەبجە چوونهته كەنارى رووباری سیروان، بەڵام ئۆتۆمبێلەكەیان كهوتووهته ناو ئاوى رووبارەكە، لە ئەنجامدا منداڵێكی تەمەن چوار ساڵان خنكاوه.
ڕائید بەرزان عوسمان، وتەبێژی بەڕێوەبەرایەتی پۆلیسی پارێزگای هەڵەبجە بە (SNN)ی راگەیاند: “پێشنیوەڕی ئەمڕۆ خێزانێكی دانیشتووی پارێزگای هەڵەبجە بە مەبەستی سەردانیكردنی دەریاچەی سیروان، چوونهته كەناری دەریاچەكە لە نزیك گوندی (ئیمامی زامن) ئۆتۆمبێلێكی جۆری (جێب)یان پێبووە، بهڵام ئۆتۆمبێلەكە كهوتووهته ناو دەریاچەكەوە”.
وتیشى: “لە ئەنجامی ئەو رووداوەدا منداڵێكی تەمەن چوار ساڵی ئەو خێزانە كە لە ناو ئۆتۆمبێلەكەدا بووه خنكاوه، دواتر تیمەكانی بنكەی پۆلیسی ناحییەی سیروان گهیشتوونهته شوێنی رووداوەكە و بە هەماهەنگی لەگەڵ دانیشتووانی گوندەكە ئۆتۆمبێلەكە و تەرمی منداڵەكەش دەرهێنراوهتهوه”.
وتەبێژەكەی پۆلیسی پارێزگای هەڵەبجە ئەوەشی خستەڕوو: “تەرمی منداڵەكە رەوانەی پزیشكی دادی هەڵەبجە كراوە، هاوكات لە بنكەی پۆلیسی ناحییەی سیروانیش پەڕاوی لێكۆڵینەوە بۆ رووداوەكە كراوەتەوە”.
