بەهۆی نەبوونی سودەوە، رێکخراوی تەندروستی جیهانی کۆتایی بە توێژینەوە لەسەر دوو دەرمان هێنا
هايدروكسي كلوروكين و لوبينافير
SNN
رێکخراوی تەندروستی جیهانی رایگەیاند، کە ئەوان دەستیان هەڵگرتووە لە توێژینەوە لەسەر هەردوو دەرمانی (هایدرۆکسی کلۆرۆکوین و لۆبینافیر) لەبەر ئەویە هیچ سودو کاریگەرییەکی لەسەر ڤایرۆسی کۆرۆنا نییە.
رێکخراوەکە ئەمرۆ شەممە رایگەیاند: بەهۆی ئەوەی ئەو دوو دەرمانە کاریگەری ئەوتۆیان لەسەر کەمکردنەوەی رێژەی مردن بەهۆی کۆرۆناوە نەکردووە، بۆیە بڕیارماندا چیتر وەک چارەسەر بەکارینەهێنین و توێژینەوەی بەرەوپێشچوونی لەسەر نەکەین.
لە ناوەراستی مانگی ئازارەوە لە زۆربەی وڵاتانی جیهان حەبی دژە نەخۆشی مەلاریا ناسراو (هایدرۆکسی کلۆرۆکوین) بەکاردەهات بۆ تووشبووانی ڤایرۆسی کۆرۆنا، بەڵام دوای چەندین توێژینەوە ئەوە روونبوویەوە کە ئەو حەبە کاریگەری لەسەر ڤایرۆسی کۆرۆنا نییە و گەر هەشیبێت زۆر کەمە، بۆیە رێکخراوی تەندروستی جیانی بڕیاریدا هەموو توێژینەوەکانی دەربارەی ئەو دوو جۆرە دەرمانەو کاریگەری لەسەر کۆرۆنا رابگرێت.
