سیستمى دژه مووشهكى له باڵیۆزخانهى ئهمریكا له بهغدا جێگیر كرا
باڵیۆزخانهى ئهمریكا له بهغدا | فۆتۆ: REUTERS/Stringer
سیستمى دژه مووشهكى پاتیرۆت له باڵیۆزخانهى ئهمریكا له بهغدا جێگیر كراوه، میدیا عێراقییهكانیش رایدهگهیهنن: سیستمهكه توانیوویهتى یهكهمین هێرشى مووشهكى بۆ سهر باڵیۆزخانهكه رهتبكاتهوه.
بهپێى ئهو زانیارییانهى كه میدیا عێراقییهكان لهسهر زارى سهرچاوه ئهمنییهكانهوه بڵاویانكردوونهتهوه، “پرۆسهى جێگیر كردنى سیستمهكه دوێنێ شهممه 4ى تهمموز، تهواوبووه و ئهمڕۆ یهكشهممه توانیویهتى یهكهمین هێرشى مووشهكى بۆ سهر باڵیۆزخانهكه شكست پێ بهێنێت”.
ماوهى زیاتر له ساڵێكه باڵیۆزخانهى ئهمریكا له عێراق كه دهكهوێته ناوچهى سهوز له بهغدا دهبێته ئامانجى هێرشى مووشهكى سهرچاوه نادیار، چهند جارێكیش زهنگى باڵیۆزخانهكه بهو هۆكاره لێیداوه.
پێشتر زهردهشت بابان، كاربهدهست له كۆشكى سپى ئهمریكا لهو بارهیهوه به (SNN)ى راگهیاندبوو: “ئهو مووشهكانهى كه ئاراستهى باڵیۆزخانهكهى ئێمه دهكرێن له بهغدا، بههۆى ئهوهى مووشهكى بچوكن سیستمى دژه مووشهكى ئێمه ناتوانێت بیانخوێنێتهوه، ههربۆیهشه ئهوه چهندین جاره ئێمه رووبهڕووى ئهو كێشهیه دهبینهوه و دووباره دهبێتهوه، بهڵام وهزارهتى بهرگریى ئهمریكا سهرقاڵى چارهسهركردنیهتى”.
