بەرواری كۆبوونهوهی كۆمهڵهی گشتی لیژنهی ئۆڵۆمپی عێراق دیاریكرا
رەعد حەموودی
SNN Sport
رهعد حهموودی سهرۆكی لیژنهی ئۆڵۆمپی عێراق رۆژی 26ی ئهم مانگهی دیاریكرد بۆ بهستنی كۆبوونهوهی نائاسایی كۆمهڵهی گشتی لیژنهی ئۆڵۆمپی عێراق.
رهعد حهموودی له بهیاننامهیەكیدا وتی:” كۆنگرهکە له هۆڵی كۆبوونهوهكان له بارهگای لیژنهی ئۆڵۆمپی كه دهكهوێته شهقامی فهلهستین ئهنجام دهدرێت”.
روونیكردهوه:” دانیشتنی دهستپێكی كۆنگرهكه له کاتژمێر 11:00ی سهر له بهیانی رۆژی چوارشهممه 26 ئابی 2020 كارهكانی دهست پێدهكات “.
رهعد حهموودی رۆژی 26 تهمموزی رابردوو به نووسراوی فهرمی بانگهێشتنامهی ئاڕاستهی یهكێتییه وهرزشییه ئۆڵۆمپییهكانی ئهندام له كۆمهڵهی گشتی كرد و تیایدا داوای له نوێنهره یاساییه رێپێدراوهكان کرد له لایهن یهكێتییهكانیانهوه دەستپێشخەری بکەن بە وهرگرتنی بانگهێشتنامهی هاوپێچكراو به خشتهی كارهكانی كۆنگرهی نائاسایی داهاتوو له بارهگای لیژنهی ئۆڵۆمپی بە پێی رێکكاره كار پێكراوهكان له پهیڕهوی بنهڕهتیدا.
