پارەی گەنمی جووتیاران دابەشدەكرێت

SNN-مەودا مستەفا

بەڕێوەبەری سایلۆی هەولێر رایدەگەیەنێت، هەنگاوەكان بۆ دابەشكردنی پارەی گەنمی جووتیاران دەستیپێكردووە و لەم هەفتەیە دەست دەكرێت بە دابەشكردنی.

ئەمڕۆ شەممە هێمن سەید موراد بەڕێوەبەری سایلۆی هەولێری بە SNNی راگەیاند: لەم هەفتەیەدا دابەشكردنی پارەی گەنمی جووتیاران دەستپێدەكات و پێشبینی دەكەین لەم هەفتەیە تەواو بێت.

لەبارەی بڕی پاشەکەوتەوە بەڕێوەبەری سایلۆی هەولێر ئاشكرایكرد بڕی دوو ملیار دینار هاتووە، بۆ دابەشكردنی ئەو پارەیە رەنگە سیشەممە یان چوارشەممە دەستبكرێت بە دابەشكردنی بەسەر جووتیاران لە بەرامبەر رادەستكردنی بڕە گەنمی ئەمساڵیان.

ئاماژەی بەوەش كرد: “سەرەتا پارەی ئەو جووتیارانە دابەش دەكرێت كە زووتر گەنمیان رادەست كردووە، پرۆسەی وەرگرتنی گەنمیش رۆژی پێنجشەممەی رابردوو كۆتایی هات، هەروەها تا ئێستا نزیكەی 110 هەزار تەن گەنم وەرگیراوە و لەو ژمارەیە بە قۆناغ كارەكان بەڕێوەچوون و سەرجەم كارەكان كۆتاییان هاتووە.