ترەمپ “ئەمریکا فڕۆکەیەکی دیکەی هاوکاری رەوانەی لوبنان دەکات”
دۆناڵد ترەمپ
SNN
دۆناڵد ترەمپ سەرۆکی ویلایەتە یەکگرتووەکانی ئەمریکا رایگەیاند کە وڵاتەکەی فڕۆکەیەکی دیکەی هاوکاری رەوانەی لوبنان دەکات تا هاوکاریانبن لە تێپەڕاندنی ئەو دۆخە سەختەی کە تێیکەوتوون.
ترەمپ لە درێژەی قسەکانیدا بە رۆژنامەنووسانی راگەیاند، ئەمریکا هاوکاری دارایی دیکە پێشکەش بە لوبنان دەکات، بەبێ دیاریکردنی ئەو بڕە پارەیەی کە بۆ لوبنانی دەنێرێت.
لای خۆشییەوە سندوقی دراوی نێودەوڵەتی رایگەیاند کە ئەوان ئامادەیی خۆیان دەربڕیوە بۆ هاوکاریکردنی لوبنان بەڵام دەبێت ئەو شوێنانەی هاوکاری دەکرێن نیەتی خۆیان لە دووبارە بنیادنانەوەی وڵاتەکە نیشانبدەن نەک پارەکە بەهەدەربەرن.
لای خۆشییەوە سەرۆککۆماری فەرەنسا، ئیمانوێل ماکرۆن، ڕۆژی یەکشەممە 9ی ئاب، رایگەیاند لە کۆنفرانسی پاریس بۆ کۆکردنەوەی هاریکاریی مرۆیی و دارایی بۆ لوبنان، 293 ملیۆن یۆرۆ کۆکراوەتەوە.
