سبەی یەكێتی و پارتی كۆدەبنەوە
لۆگۆی یەکێتیی و پارتی
SNNـ مەودا مستەفا
بڕیاروایە سبەی یەكێتیی نیشتمانیی كوردستان و پارتی دیموكراتی كوردستان لە هاوینەهەواری دوكان كۆببنەوە، بەپێی زانیارییەکانی SNN کۆبوونەوەکە لەسەر ئاستی مەکتەبی سیاسی دەبێت و تیایدا هۆشیار زێباری و شاڵاو عەلی عەسکەری سەرۆکایەتی کۆبوونەوەکە دەکەن.
هەر بەپێی زانیارەکان وەفدەکەی پارتی دیموکراتی کوردستان پێکدێت لەهەریەکە هۆشیار زێباری و مەحمود محەمەد ئەندامی مەكتەبی سیاسی پارتی دیموکرات. هەروەها وەفدی یەكێتییش پێکدێت لە شاڵاو عەلی عەسكەری و رزگار عەلی ئەندامی مەكتەبی سیاسی یەكێتی و خەسرەو گوڵ محەمەد ئەندامی سەركردایەتی یەكێتی.
ئەم کۆبوونەوەیە لە دوای کۆبوونەوەی نێوان بافڵ تاڵەبانی و نێچیرڤان بارزانی بوو کە پێش جەژنی قوربان لەشاری هەولێر کۆبوونەوە لەو کۆبوونەوەیە بڕیاریاندا لەدوای جەژن کۆبوونەوەی مەکتەبی سیاسی هەردوولا ئەنجامبدرێت.
