رێکخراوی تەندروستی جیهانی پەیامێک بۆ گەنجان بڵاودەکاتەوە

SNN

تاکیشی کاسای، بەڕێوەبەری هەرێمیی ئۆقیانۆسی رێکخراوی تەندروستی جیهانی رایدەگەیەنێت، ئەوانەی تەمەنیان لە نێوان 20 تا 40 ساڵییە هۆکارن بۆ بڵاوبوونەوەی زیاتری ڤایرۆسی کۆرۆنا، چونکە بەشێکی زۆریان دەبنە هۆکاری گواستنەوەی ڤایرۆسەکە بەبێ ئەوەی هیچ نیشانەیەکیان لێ بەدیار بکەوێت.

دەشڵێت “زۆربەی گەنجان نیشانەکانی تووشبوونیان پێوە دیارنابێت، ئەوانیش بێ ئەوەی رێنماییەکانی خۆپارێزی پەیڕەوبکەن، کەسانی بە تەمەن تووش دەکەن و ئەمەش وا دەکات، رێژەی گیانلەدەستدان و تووشبوون زیاد ببێت.

بەگوێرەی ئامارەكان تائێستا 22 ملیۆن و 52 ھەزار و 385 كەس لە جیھان تووشی كۆرۆنا بوونە لەو ژمارەیە 14 ملیۆن و 794 ھەزار و 929 كەس چارەسەر كراون و 777 ھەزار و 470 كەس گیانیان لەدەستداوە.