پۆمپیۆ بۆ رێگریکردن لە هەژموونی ئێران سەردانی رۆژهەڵاتی ناوەڕاست دەکات
U.S. Secretary of State Mike Pompeo steps down from the plane upon his arrival at the airport in the Black Sea resort city of Sochi, southern Russia, Tuesday, May 14, 2019. Pompeo's first trip to Russia starts Tuesday in Sochi, where he and Russian Foreign Minister Sergey Lavrov are sitting down for talks and then having a joint meeting with President Vladimir Putin. (AP Photo/Pavel Golovkin, Pool)
SNN
وەزیری دەرەوەی ئەمریکا لەم هەفتەیەدا سەردانی ڕۆژهەڵاتی ناوەڕاست دەکات وەک بەشێک لە هەوڵەکانی بۆ کۆتاییهێنان بە ناکۆکییەکانی نێوان ئیسرائیل و وڵاتانی عەرەب لەلایەک و رووبەڕووبوونەوەی هەژموونی ئێران لە ناوچەکەدا.
مایک پۆمپیۆ، ئەمڕۆ یەکشەمە بەرەو ئیسرائیل بەڕێدەکەوێت کە وێستگەی یەکەمی سەردانەکەیەتی، دواتریش سەردانی ژمارەیەک وڵاتی کەنداو و سودانیش دەکات.
وەزارەتی دەرەوەی ئەمریکا لە راگەیەندراوێکدا سەبارەت بەم سەردانەی مایک پۆمپیۆ، ئاماژەی بەوە کردووە “ئەمریکا جەخت لە ئاشتی و سەقامگیری لە ئیسرائیل و سودان و وڵاتانی کەنداو دەکاتەوە.”
لە ئیسرائیل مایک پۆمپیۆ، لەگەڵ بنیامین نەتانیاهو، سەرۆکوەزیری ئیسرائیل کۆدەبێتەوە بۆ باسکردنی ئەو دۆسێیانەی پەیوەندییان بە کاریگەرییەکانی ئێرانەوە هەیە و فراوانکردنی پەیوەندییەکانی تەلئەبیب لەگەڵ وڵاتانی ناوچەکەدا و هەروەها بەرژەوەندییە ئابوورییەکانی هەردوو وڵات.
دواتریش جارید کوشنەر، گەورە راوێژکاری ترەمپ کە بە داڕێژەری سیاسەتەکانی ئەمریکا لەبارەی ئیسرائیل و فەڵەستین دادەنرێت، سەردانێکی هاوشێوە دەستپێدەکات.
چاوەڕوانیش دەکرێت کوشنەر و تیمەکەی سەردانی ئیسرائیل و بەحرەین و عومان و سعودیە و هەروەها مەغریبیش بکەن.
ئەم دوو سەردانە، هاوکاتە لەگەڵ هەوڵەکانی ئیدارەی ترەمپ بۆ سودوەرگرتن لە قورسایی ڕێککەونە مێژووییەکەی نێوان ئیسرائیل و ئیمارات.
