رووسیا پشتیوانی لە هواوی دەکات لە جەنگەکەی دژ بە ئەمریکا

SNN

ئاژانسی ئینتەرفاکس لە زاری سێرجی لاڤرۆڤ، وەزیری دەرەوەی رووسیا رایگەیاند: کە وڵاتەکەی ئامادەیە هاوکاری چین بکات و کار لەگەڵ کۆمپانیای هواوی بکات.

رووسیا لەگەڵ کۆمپانیای هواوی چینی رێکەوتووە کە تۆڕی نەوەی پێنجەم 5G لە رێگەی هواوییەوە بیهێنێتە وڵاتەکەیەوەو کاری پێبکات، ئەمە سەرەڕای ئەوەی لەلایەن ئەمریکا و بەریتانیاوە زۆرترین گومان و گلەی لە تۆڕی نەوەی پێجەم هەیە کە چین و کۆریای باشوور پەرەپێدەرین.

ئەمریکا بەردەوامە لە ئابلۆقەدانی ئابووری کۆمپانیای هواوی و دەیەوێت لەو رێگەیەوە فروانخوازییەکانی ئەو کۆمپانیایە لە بواری تەکنەلۆجیاو تەکنەلۆجیای جیلی پێنجەم رابگرێت یاخود خاوی بکاتەوە، ئەمریکا سزای بەسەر 31 لقی کۆمپانیای هواویدا سەپاندووە لە 21 وڵاتی جیهاندا، خودی کۆمپانیای هواوی لە لیستی ڕەشی ئابووری ئەمریکادایە.