میسی تەنیا بەم مەرجە لە بەرشەلۆنە دەمێنێتەوە

SNN Sport

چەند سەرچاوەیەکی بەهێزی ئیسپانیا بڵاویانکردووەتەوە، میسی مەرجێکی تایبەتی هەیە بۆ مانەوە لە یانەی بەرشەلۆنە ، ئەویش وازهێنانی بارتۆمیۆ سەرۆکی یانەکەیە.

میسی لە چەند رۆژی رابردوو بە نامەیەک یانەی بەرشەلۆنەی ئاگادارکردووەتەوە کە ریزەکانی جێدەهێڵێت و جارێکی تر درێسی ئەم یانەیە ناپۆشێتەوە.

بەڵام بە پێی زانیارییەکانی رۆژنامەنووسی ئیسپانی جۆسێپ پیدریرۆڵ لە El Chiringuito |، ئەگەر سبەی بارتۆمیۆ واز لە پۆستی سەرۆکایەتی یانەی بەرشەلۆنە بهێنێت، میسی دەمێنێتەوە و ریزەکانی یانەی بەرشەلۆنە جێناهێڵێت.

ئەمە لە کاتێکدایە بارتۆمیۆ هەرچەندە لە لایەن چەند ئەندامێکی یانەکەی و هاندەرانەوە داوای دەستلەکارکێشانەوەی لێ دەکرێت، بەڵام ئەو رەتیکردووەتەوە ریزەکانی بەرشەلۆنە جێبهێڵێت تا کاتی هەڵبژاردنەکانی مانگی ئازاری ساڵی داهاتوو.

شەوی رابردوو لە بەردەم یاریگای کامپ نۆ، هاندەرانی یانەی بەرشەلۆنە گردبوونەوە و بە چەند دروشمێکی جیاواز داوای مانەوەی میسی  و  وازهێنانی بارتۆمیۆی سەرۆکی یانەکەیان کرد.